[قمر]

إلى كل ختايرة الجامعة

بدنا نقدم نصائح مفيدة للناجحين بالتوجيهي و سنافر الجامعة الجدد اللي لازم إحنا كخبراء نقدملهم نصائح عشان يقدروا يمشوا حالهم بالجامعه وما يبينوا إنهم سنافر
كل واحد يقدم ثلاث نصائح مفيدة
\\\
أناا مش كتير ختيارة ,, صرت من الشناكل هلاْ وبقدر أعطيكم هالأكم من نصيحة

النصيحة الأولى:-
ما تحملوا كتب ع الجامعة بعدين بتبينوا سنافر وبتخوتوا عليكم
وبلالكم هالتقل ,, لانه الجامعة شوب وتعب ومش هالإشي المهم

النصيحة الثانية:-
إوعك ثم إوعك تسأل حدى عن شغلة ,, إن شالله بتلف كل الجامعة ما تسأل حد .. دور لحالك أضمنلك

النصيحة الثالثة:-
أدخل متأخر دقيقة على المحاضرة ... مش قبل نص ساعة زي الهبايل
وآخر إشي إذا حد سألكم إنتوا أي سنة
مش تحكوا سنة أولى
إكزبوا مش مشكلة

[RIHAM]

الله عليكي يا قمر ايش هالنصايح هاد
والله اختصرتي كل المواقف المحرجة الي بيتعرضو الها طلاب سنة اولى
بس صدقيني على قد ما بدهم يحاولو انهم ما يبينو انهم سنة اولى ما بيقدرو
سبحان الله من منظرهم بيبان عليهم
خلص بيكون الهبل مطبوع على جبينهم هههه خاصة لما بيكون الطالب لحالو وما معو حد قريب اوصاحب يساعدو

يسلمو قمر على طرحك المفيد

["لحن الحياة "]

انا بدي اكون جدية ونصيحتي لالهم عنجد ، ينسوا الطلاب الاكبر منهم وتعليقاتهم واي شيء بدهم يعرفوا عنه يسالوا ويستفسروا عنه بس ما يسالوا اي حدا لانه في شباب بحبوا يخففوا دم معهم عشان هيك اللي بسال عن قاعة او كلية يا اما يسال حدا بعرفه يا اما يطَلع على حدا راكز او شباب الامن اللي عند الكليات وبساعدوهم ،،، اما بالنسبة للمواد ما تسمع للطلاب الاكبر منك شو بحكوا عنها اللي بحكيلك صعبة ومعقدة وصرت حاملها مرتين نصه كذب اضافة الى انه كتب ومواد متطلبات الجامعة تقريبا كل فصل بتتغير
كمان شغلة بعد ما تخلصوا الفصل الاول بالجامعة بصير بامكانكم تقدموا للقروض والمنح راح تسمعوا حكي انه بالواسطة ولا تتعب ولا تشقى نصيحتي ما تردوا وقدموا لاي قرض او منحة بتسمعوا عنها بالجامعة ان ما طلعلكم شي ما راح تكون خسرتوا

الاشي الاهم بكثيييير اعرفوا مع مين تمشوا ومين ترافقوا كل جامعة فيها اشكال والوان فكونوا حذرين

والنصيحة الاخيرة سنة السنفرة حلوة كثير استغلوها صح وانبسطوا فيها

موفقين

[رمل الذاكره]

اكيد راح يكون الفصل الاول والسنه الاولى فيها شوية تعب وراح يصادفوا احراجات ومواقف صعبة وصعوبة في الوصول للمعلومه الصح ,, لكنها فصل وسنه مهمه علشان الطالب | ة راح يتذكروها فترة طويلة من حياتهم وراح تكون مليانه بالذكريات والاشياء منها الجميل ومنها اللي مش جميل .. لكنها بتضل جزء هام من حياتهم الجامعية .. واكيد بدها دير ة بال وانتباه وحذر .. وعدم ووع في متاهات والبعد عن العاهات وعن كل اشي مالو علاقة بالعلم والتعليم . واياكم والتقليد لأنكم راح تشوفوا اشكال والوان .. واهم شيء الاهتمام بتحصيل العلامات وعدم اضاعة الوقت عالفاضي .. لأنها السنه الاولى راح تكون مؤشر كبير على الوضع العام للطالب |ه لباقي سنوات الدراسة .

[ابن كلية الحقوق]

موضوع حلو ومميز وشيق بنفس الوقت
بحكي لطلاب سنة اولى متل كلام لحن بالزبط
لانو ما خليت شي

[محمد ابو فخيدة]

موضوع مهم ومميز.
نصيحة مهمة : انو أي طالب طالب جديد في الجامعة لازم ينتبه للصحبة الي بدو يتعرف عليها لأنو هاي الصحبة هي الي بتكون دلليل الو للنجاح أو الرسوب،بعدين في السنة الاولى لازم تحصل أكبر عدد من العلامات لأنها السنة الاولى هي القاعدة للحفاظ على المعدل للعلامات.
كمان ابعدو قد ما تقدرو عن المشاكل لأنو الجامعة فيها الصالح وفيها الطالح ،وكمان ما تسمعو للطلاب الي قبلكم بالنسبة للأساتذة لانو كل الاساتذة محترمين والخلاف الي بيكون بين طلاب وأستاذ بيكون خلاف شخصي وليس خلاف مع جميع الطلبة .بعدين انسوكم من دواويين الحب والصحبة والأنتيم للأمانة كلو هبل بهبل وتضيع وقت ،بس لازم اتخلي علاقتك منيحة مع الكل بس ابعدو او انتبهو من العلاقات بين الجنسين أو ما تعيروها اهتمام كبير ،المهم انك تهتم بدراستك أحسنلك .

[CATWOMAN]

النصيحة الأولى:-
ما تحملوا كتب ع الجامعة بعدين بتبينوا سنافر وبتخوتوا عليكم
وبلالكم هالتقل ,, لانه الجامعة شوب وتعب ومش هالإشي المهم

عادي ما بهمني لو بينت اصلا انا بحب اكون سنفورة

النصيحة الثانية:-
إوعك ثم إوعك تسأل حدى عن شغلة ,, إن شالله بتلف كل الجامعة ما تسأل حد .. دور لحالك أضمنلك
السؤال مش عيب ولا فيها اي احراج اصلا اللي ما بيسال بتوه وبيخسر كتير
والي بيستحي بتروح عليه
ليش معقدة الامور يا قمر

برجع يا جماعة

[ابو الوليد]

ههههههههه قمر

ومحمد يا صديقي

كلامك 100%